Sunday, January 19, 2014

එදා සහ අද නුඹ සහ මම..



ඉස්සර මං දාහක් දේ කියද්දි
ඒ සියල්ල
නිහඩවම අහන් හිටපු නුඹ
අද
තොරතොංචියක් නැතුව කියවද්දි
කනට දැනෙන සිසිලස 
නුඹටත්
දැනෙන්න ඇති මට වගේම....
ඉස්සර පුංචි දේටත් 
මං සැර කළාම 
ලොකු කඳුළු කැට වලින් 
ඔය පුංචි ඇස් දෙක පුරවන් හිටිය නුඹ
අද
හැම දේම 
හිනාවෙල භාර ගන්න
අපුරු...
ජීවිතේ හැම දුකක්ම 
හැම සතුටක්ම 
සමසේ විඳගමින්
අදටත් 
මට නුඹවත් 
නුඹට මාවත් එපා නොවී
බොහොම සෙනෙහසින් 
ඉන්න එක ගැන හිතද්දි
හිතට දැනෙන සැනසුම නම් 
කියල නිම කරන්න බෑ 
මම දන්නව 
මටත් වඩා
නුඹ 
ඒ ගැන දන්නව කියල...