Skip to main content

නුඹ ලස්සනම ලස්සන හීනයක්....




හිමිදිරි පිණි සිසිලස විඳින්න බයයි මං. .
ඒ සිසිලසට අකමැති නිසා නෙමෙයි මම..
හිරු තව පායන්න පායන්න පිණි කැට වියැළෙන්න වියැළෙන්න,
දැනෙන දාහය සැර නිසා..
පිපුණු සේපාලිකා මල්වල සුවඳ සිඹින්න බයයි මං..
ඒ සුවඳ නොරුස්සන නිසා නෙමෙයි මට..
උදෑසන වෙනකම්වත් මල්වලට අතු අග ඉන්න
වාසනාව නැතිව පරවෙලා යන නිසා..
මගේ මිදුලෙට වැටුණ සඳ ඇහිඳින්න බයයි මං..
ඒ සඳ එළිය ඕන නැති නිසා නෙමෙයි මට..
පොකුණෙ තියෙන්නෙ ඡායාවක් නම්
පීනන්න නොදන්න මම ගිළෙන නිසා..
නුඹ මට කොච්චර තේරුම් කරන්න හැදුවත් තේරුම් ගන්න බයයි මං..
ඒ නුඹව නොපතන නිසා නෙමෙයි මම..
මගෙ හිතත් එක්ක හුඟක් කල් රණ්ඩුවෙලා
නුඹව ලස්සනම ලස්සන හීනයක් විදියට විතරක් දකින්න පුරුදු වුණ නිසා..

Comments

Anonymous said…
පිණි සිසිල නෙමේ මම
නුඹේ නෙතු පිය අතර
කඳුලු කැටයක් පමණි
දුක හිතුනු විටෙකදී විතරක්ම මතක් වෙන..

රෑ පිපෙන මලක් නොව
සුවඳ නැත පාට නැත
මම පුංචි ලිය වැලකි
වෙලෙන්නට නුඹ නැතිව මිය ඇදුන..

ලෝකෙටම එලිය දෙන
අහසෙ හඳ නෙමෙයි මම
නුඹ අඳුරෙ ගිලෙන විට
එලිය දී සනසවන පහනක්ය..

හැබෑවක් වුනත් මම මට
හීනයක් තමයි මම නුඹට
නින්දෙදි විතරක්ම මතක්වෙන....

-The Blue sky-
Unknown said…
හ්ම්..
ලස්සන පද පෙළක්..
ජයවේවා!!!
Dinesh said…
සොදුරු පද පෙලක්....
Anonymous said…
පිණි කැටය නුඹ මගේ
දාහයට ඉඩ නොදෙන
සිසිලයි මාවතම
නුඹ සමඟ ඇවිද යන...

සුවඳ මල පර නොවී
සදහටම සුවඳ දෙන
ඉමිහිරියි මොහොතකුදු
නුඹෙ සුවඳ දිග හැරෙන...

සඳයි නුඹ
සැබෑවට ජීවිතය බබළවන
සිත් අහස සිසාර
දිළි දිළිහී රැඳෙන...

සොඳුරු සිනිනයයි නුඹ
නෙත් අතර සැරිසරන
පතමි දිවි තුරාවට
මේ සුවය මගෙ වෙන්න...

Popular posts from this blog

පව් අපේ අහිංසක කොල්ලෝ

කෙල්ලෙක් අඬනවා නම් හැමොම "අඬන්න එපා, ඕවා ඔහොම තමයි " කියල ඇයව සනසවයි ඒත් කොල්ලෙක් ඇඬුවොත් එහෙම හැමොම කියයි "මොකක්ද මිනිහො ලැජ්ජ නැත්ද..? තමුසෙ පිරිමියෙක් නේද.. ගෑනියෙක් වගේ අඩන්නේ නැතුව ඉන්නවා" කෙල්ලෙක් කොල්ලෙක්ට කම්මුල් පාරක් ගැහුවොත් එහෙම හැමොම හිතන්නේ "අර කොල්ල මහ කුප්ප වැඩක් කරල කියලා..." ඒත් කොල්ලෙක් කෙල්ලෙගේ කම්මුලට ගැහුවොත් එහෙම හමොම හිතන්නේ "ගෑනුන්ට ගරු කරන්න දන්නෙ නැති එකෙක් කියලා..." කෙල්ලෙක් කොල්ලෙක් එක්ක මුලින්ම කතා කරන්න අවොත් හැමෝම කියයි "හරි සුහද ශීලි ගෑනු ලමයෙක් කියල...." ඒත් කොල්ලෙක් එහෙම කතා කරන්න අවොත් එහෙම හැමෝම හිතයි "ඔය කොල්ල එන පොට නම් හොද නෑ කියලා..." කෙල්ලෙක් කාගේ හරි ඇගේ හැපුනොත් හැපුනු කෙනා "It's OK" කියල හිනාවකුත් දායි.. ඒත් කොල්ලෙක් එහෙම හැපුනොත් "තමුසෙ පොට්ටද ඕයි...." කියලා හොදට රවලා අහයි කෙල්ලෙක්ගේ අතින් රිය අනතුරක් වුනොත් එහෙම "අනේ මම හරියට ඩ්‍රයිව් කලා... " කියලා ඒක අනිත් අයගේ වැරැද්දක් කරයි... ඒත් කොල්ලෙක් අතින් රිය අනතුරක් වුනොත් එහෙම හැමොම කියයි "මොක

අමාවක විජිතයේ සිට....

අඳුරේ යන්නෙමි නොපෙනෙන දුර ඈත නුඹ නැතිදා පටන් මා අඳුරේ බව නුඹ දනීද...? එලිය නිවලා නුඹ ගියත් අමාවක විජිතයේ ඉදන් මම නෙතු අයා හිඳිමි නුඹේ සඳ එලිය ආයෙමත් වටෙන තුරු මගේ ලොවට...

සිහිනය....

ලස්සනට ලියන්නට මට පුලුවන්ද කියල දන්නෙ නැති වුනත් මගෙ හිතේ පුංචි හීනයක් තිබුනා හුගාක් කාලෙක ඉදන්.එක ඉටු කරගන්න මම කල උත්සහය මම විතරයි දන්නෙ .කොහොම කොහොම හරි අන්තිමට මගෙ ඒ පුංචි හීනේ අද ඉටු වුනා.ඒ පුංචි හීනේ තමයි මගෙම කියලා බ්ලොග් එකක් ලියන එක.හුගාක් සතුටුයි අද මට. ඒ සතුටත් එක්ක මම පලවෙනි බ්ලොග් එක ලියන්න යනකොට,මට අතිතයේ දවස සිදුවුන පුංචි දෙයක් මතක් වුනා.ඒක මගෙ පලමු බ්ලොග් එක විදියට එක ලියන්න මම හිතුවා.කැම්පස් එන්න ටික දවසකට කලින් මම මගෙ කාමරෙ අස් කරකොට පොඩිවුනකොලයක් මගෙ ඇද පල්ලෙ තිබිලා හමුවුනා එකේ තිබුන පුංචි නිසදැසක් මෙන්න මෙහෙම ''පෙණ පිඩු නංවමින් ගලා යන ජීවිත ගංඟාවේ එක්තරා ගිම්හාන ඍතුවක එක නිමේෂයක ඔබ මම හමුවුනි..... ගහ කොල මලානිකව සුසුම් හෙලද්දී ......... බොල් පොලව කර්කෂව ඉරිතැලී යද්දී ඔබ තුහින මල් වැස්සක් වී මගේ ජීවිත ගංඟාවට වැටුනා නොවෙද......... ඔබේම වු ආදරයේ ස්නේහයේ තුහින මල් වැස්සෙන් වේලී හිදී යමින් තිබු මගේ ජීවිතය පිරි ඉතිරී පිටර ගැලු බව ඔබට මතකද.......... ඒ වසත් සමය අපේම නොවෙද ගෙවී ගිය ඒ වසත් සමය වෙනුවෙන් මෙසේ පවසමි......... ඔබෙන් ලද