Skip to main content

පලක් ඇත්ද ඉදීමෙන් මං........


මතකයන් මම ලඟ තියාන
ජිවිතයම නුඹ අරන් ගියාම
හිනාවෙලා ඉන්නේ කොහොමද
නුඹ නැතිව මම......

පිස්සුවෙන් වගේ නුඹේ නම
මගේ තොල් මුමුනද්දි
අහිංසක සිනාවන්
මගේ නෙතු අසල දගකරද්දි...
කොහොම මම අමතක කරන්නද
නුඹේ ඔය සොදුරු මතකය....

හිතට දැනුනු වේදනාව
පත් ඉරක් මත අකුරු වෙද්දී
ඒ පත් ඉර ඉරාදමන්නට තරම්
නුඹ නපුරු වුනිද....

මගේ කටහඩ නුඹට වදයක් නම්
මගේ ආලය නුඹට එපා නම්
මගේ පෙම් ගී නුඹට අඳෝනා නම්
පලක් ඇත්ද ඉදීමෙන් මං........

Labels:

Comments

Tuck Dias said…
ගොඩක් හොද අදහසක්.... හිතට දැනෙන විදිහට ලියල තියනව. මේ අදහස ගෑණු ළමයෙගෙද, පිරිමියෙක්ගෙද කියල මම දන්නෙ නෑ. හැබැයි කොල්ලෙක් විදිහට මේ තියන අදහස් වල ඇත්ත මම දන්නව. අපි කොච්චර ආදරේ කලත් ඒක තේරුම් අර ගන්නෙ එහෙමත් කෙල්ලෙක්. සමහර විට අපිට ගැලපෙන කෙනා නෙවෙයි නිසා වෙන්න ඇති. අපි කොච්චර ආදරේ කලත් ගෑණු ළමයා කියන්නෙ "ඔයා මට ආදරේ නෑ" කියලයි. මේ වචන ටික දැක්කහම ඇත්තටම මට දුක හිතුන.... Keep it up.. Well done..
June 10, 2010 at 2:37 PM
ක්‍රිශාන් said…
@ Sri kolla:
බොහොම ස්තුතියි... මේක මගේ නිර්මනයක්.... හිතට ලොකු දුකක් දැනුනු වෙලාවක ලිව්වෙ... ආදරේ කියන්නේ සමහර වෙලාවට තේරුම් ගන්න බැරි දෙයක්...
June 10, 2010 at 3:01 PM
Unknown said…
ප්‍රේමය නම් අසෙනිය කුසුමකි
රිසිවූ කෙනෙකුන් හට පුදන්නට
ලෝබ සිතින් තොර පිදුව මනායේ
පෙරලා ලබන්නට නොසිතා බිඳකුත්

සරත්චන්දුයන් කිව්වෙ එහෙමයි අලියා..
හිත හදාගනින්..
June 10, 2010 at 4:47 PM
ක්‍රිශාන් said…
@ Ravi:
කාලෙකින් ඔබව මාගේ බ්ලොගය තුලින් දකින්නට ලැබීම සතුටකි..
දැන් සියල්ල සිදුවී හමාරය... මම දැන් හිත හදා ගෙන ඉවරයි මචං.. සරත්චන්දුයන්ගේ කතාවනම් ඇත්ත...ස්තුතියි මචං
June 10, 2010 at 6:01 PM
Post a Comment

Popular posts from this blog

පව් අපේ අහිංසක කොල්ලෝ

කෙල්ලෙක් අඬනවා නම් හැමොම "අඬන්න එපා, ඕවා ඔහොම තමයි " කියල ඇයව සනසවයි ඒත් කොල්ලෙක් ඇඬුවොත් එහෙම හැමොම කියයි "මොකක්ද මිනිහො ලැජ්ජ නැත්ද..? තමුසෙ පිරිමියෙක් නේද.. ගෑනියෙක් වගේ අඩන්නේ නැතුව ඉන්නවා" කෙල්ලෙක් කොල්ලෙක්ට කම්මුල් පාරක් ගැහුවොත් එහෙම හැමොම හිතන්නේ "අර කොල්ල මහ කුප්ප වැඩක් කරල කියලා..." ඒත් කොල්ලෙක් කෙල්ලෙගේ කම්මුලට ගැහුවොත් එහෙම හමොම හිතන්නේ "ගෑනුන්ට ගරු කරන්න දන්නෙ නැති එකෙක් කියලා..." කෙල්ලෙක් කොල්ලෙක් එක්ක මුලින්ම කතා කරන්න අවොත් හැමෝම කියයි "හරි සුහද ශීලි ගෑනු ලමයෙක් කියල...." ඒත් කොල්ලෙක් එහෙම කතා කරන්න අවොත් එහෙම හැමෝම හිතයි "ඔය කොල්ල එන පොට නම් හොද නෑ කියලා..." කෙල්ලෙක් කාගේ හරි ඇගේ හැපුනොත් හැපුනු කෙනා "It's OK" කියල හිනාවකුත් දායි.. ඒත් කොල්ලෙක් එහෙම හැපුනොත් "තමුසෙ පොට්ටද ඕයි...." කියලා හොදට රවලා අහයි කෙල්ලෙක්ගේ අතින් රිය අනතුරක් වුනොත් එහෙම "අනේ මම හරියට ඩ්‍රයිව් කලා... " කියලා ඒක අනිත් අයගේ වැරැද්දක් කරයි... ඒත් කොල්ලෙක් අතින් රිය අනතුරක් වුනොත් එහෙම හැමොම කියයි "මොක...
19 comments
තවත් කියවන්න »

ආදරයත් ජීවිතය වගේ.....

ආදරය ත්  ජීවිතය වගේ..... හැම වෙලාවෙම පහසුත් නෑ.... හැම වෙලාවෙම සතුට ගේන්නෙත් නෑ...... නමුත් අපි ජීවිතය නතර කරන්නෙත් නෑ.... ඉතින් ආදරය නතර කරන්නේ කොහොමද?....ජිවිතෙදි කවදාවත් ආදරය සැලසුම් කරන්න බෑ.....හේතුවක් නිසා ආදරය ඇතිවෙන්නෙත් නැහැ....ඒත් ආදරය හෑබෑවක් වුනාම එක තමයි ජීවිතයේ සැලැස්ම..... මේ පුංචි සටහනත් එක්ක එක්තරා හැන්දැවක වුනු සිදුවීමක් ලියන්න මට හිතුනා ..... එදා බ්‍රහස්පතින්දා දවසක් වගෙ තමයි මට මතක..... අපේ කැන්ටිමට වෙලා මම පාර දිහා බලන් හිටියේ නිකමට වගේ..... හවසට සරසවි භූමිය කියන්නේ පෙම්වතුන්ගේ තෝතැන්නක්... එහෙම කිව්වට වරදවා හිතන්න එපා.... දකිහිප දෙනෙක් පිට්ටනිය ගාව තියන බංකුවකට වෙලා ඈත ක්ෂිතිය දිහා බලන් පෙම් බස් මුමුනද්දී තවත් පෙම්වතුන් අත් පටලාගෙන බස් නැවතුම් පොලට ඇදුනෙ නවාතැන් බලා යන්න වෙන්න ඇති.... ඔහොම ඉන්න කොට ඔය පෙම්වතුන් අතරින් එක්තරා විශේෂ දෙන්නෙක් දෙසට මගෙ ඇහ ගියෙ නිකමට වගේ... ඇත්තටම ඒ දෙදෙනා හුගාක් විශේෂිතයි.... මොකද ඒ ඔවුන් දෙදෙනාම අන්ධයි....ඈතට උන් දෙන්න අන්ධයි කියල පේන්නේ නෑ..මළ හිරු බැස යන යාමයක් වුනත් ටිකක් විතර අව්ව තිබුනා... කුඩය...
16 comments
තවත් කියවන්න »

සිරිදාස ගැන මට දුකය

මහත්තයා.. අද මුකුත් ගෙනියන්න නැත්ද ??  ගොරහැඩි වු නමුදු යටහත් පහත් ඒ අහිංසක කටහඩ සිරිදාසගේ බව මම ටක්කෙටම දැන ගතෙමි..  නෑ සිරිදාස.. තිබ්බොත් කියන්නම්..  විවේකි සෙනසුරාදාවක් වුවද හදිසි වැඩ වගයක් තුල සිරවී සිටි ම ම  කෙටියෙන් ඔහුට පිළිතුරු දුනිමි.  එහෙනම් මම ගිහින් එන්නම් මහත්තයා..  ගියවර ඔහු පැමිණ සතියක් වත් ගත නොවී තිබුනු අතර ඔහු පැමිණියේ කුමකට දැයි මා දැන සිටියේද නැත.  මට දැන ගැනීමට උවමනාවක් තිබුනේද නැත.  සිරිදාස හීන්දෑරි අහිංසකයෙකි, නගර සභා කම්කරුවෙකි.. කුණු මෑන් යනුවෙන් මාගේ මිතුරන් ඔහුට අන්වර්ථ නාමයක් පට බැන්දත් අපේ සනීපාරක්ෂාව වෙනුවෙන් ඔහු සොච්චම් මුදලට කරන්නේ මහගු සේවයක් යැයි ඔහු දකින හැම වාරයකදීම සිතුනි. අක්බමරු කොන්ඩයත් තරමකට වැවුණු උඩු ,යටි   රැවුලත් ඔහුගේ මුහුනට අමුතු පෙනුමක් එකතු කලේය. යටි ඇන්දේ දත් කිහිපයක් නැති මුත් ගුරුවන් පැහැයෙන් යුතු මුව තුල බුලත් විටක් නම් නොවරදින්නේය.බාච්චු කලිසමත් දුර්වර්නව ගිය කමිසයත් තම එකම විලාසිතව විය. එය ඔහුගේ නිල ඇදුම වුවද එය ඔහු සොදා හැඳි දවසක් නම් මට මෙන්ම ඔහුටද ...
1 comment
තවත් කියවන්න »